GOOD NEWS sa mga motorista – ‘wag na muna kayong magpakarga!
Simula kasi bukas, lalarga na ang bagong round ng rollback sa presyo ng mga produktong petrolyo.
Sa magkakahiwalay na abiso, magbababa ng P0.60 sa kada litro ng gasolina.
Mayroon ding itatapyas na P0.95 sa kada litro ng diesel; at P1.15 naman ang ibabawas sa kada litro ng kerosene.
Dahil dito – naputol na ang apat na linggong sunud-sunod na taas-presyo sa oil products.
