Ginkumpirmar ni Regional Director Police Brigadier General Jack Wanky sang Police Regional Office -6 (PRO-6) nga magabaton ang mga kapulisan sa Capiz sang nagkalain-lain nga sahi sang armas gikan sa national headquarters.
Suno kay Wanky, 200 tanan ka mga armas ang ipadala sa Capiz kun sa diin 20 diri ang igahatag sa Roxas City Police Station kag ang mabilin nga mga armas igapanagtag naman sa mga SWAT member kag sa mga nadestino sa mobile force company.
Tinutuyo sini nga mapasangkad ang pwersa sang kapulisan agud mapabilin nga malinong kag matawhay ang tagsa ka komunidad sa probinsya. | Judy Ann Juare
