LEGAZPI CITY – Lusot na sa junta-probinsya kan Albay an ordinansa kan Daraga manungod sa technological advancement.
Iyo ini an pigaapod na information and communication technology strategic plan 2023-2024 kun sain naaprubaran ini makalihis na i-rekomendar ni Committee on ways and means chairman Board Member Rey Bragais sa SP.
Segun kay Bragais, ini an makakabenipisyar sa banwaan orog na ta mas mapapadali kaini an pagtataong serbisyo sa mga residente kan banwaan maserbi man ining road map kan lokal na gobyerno konektado sa I.T, resources, aplikasyon asin imprastaktura.
Sa ngunyan, para sa implementasyon na an naunambitang ordinansa makalihis an nasabing pag-aprubar kaini na obhetong mas mapauswag an banwaan.
