LEGAZPI CITY – Matrayumpong naisagibo kan Social Security System (SSS) Legazpi Branch an sabay-sabay na registration sa apat (4) na off-site location sa probinsya kan Albay kun sain saro sa mga prayoridad kan opisina na maiparehistro an mga kaakian na edad 15 pataas, kasuhapon, Hulyo 15, 2024.
An nasambit na aktibidad, naisagibo sa mga strategic areas sa Brgy. Taysan kan Legazpi City, Municipal Hall kan Camalig, Ligao City Pavillion, asin Tabaco City Hall.
Sa aktibidad, nakapagparehistro an mga residente na dai pa miyembro kan SSS, mga ordinaryong transaksyon arog kan SSS Disbursement Account Enrollment, Benefit Claims Application, Salary Loan Application asin dakol pang iba.
