Naka paeagyo ru suspek sa pag pang-eabo sa Brgy. Dongon West, Numancia, Aklan.
Sa imbistigasyon, nakilaea ru suspek nga si Rolly Regalado, sa legal nga edad it Brgy. Bobog, Numancia, Aklan.
Padayon pa makaronnga gina bueong sa hospital ru biktima nga si Rogelio Tayco it Brgy. Dongon West, Numancia, Aklan matapos maka angkon it tama’t pag-eabo sa ueo.
Nasayuran nga nag-inuman ru biktima ag suspek sa baeay it biktima ag dayon natabo ru diskusyon nga nauli sa pagkaeabo it suspek sa biktima.
Padayon pa ru follow-up investigation it Numancia Municipal Police Station sa insidente.//MARIVIC Y. ILIN
