LEGAZPI CITY – Nakumpiskar kan Police Regional Office 5 (PRO5) an sobra sa P1.1M na kantidad nin iligal na droga sa rehiyon kan Bicol sa laog sana ki 24 oras kan nakalihis sanang Miyerkules, Hulyo 10, 2024.
Segun sa nasambit na ahensya, an nasambit na kantidad nin iligal na droga, hale sa pitong (7) anti-illegal drugs operation kun sain limang imbweltong persona an naarestar kan kapulisan asin duwa man an nagsurrender.
Segun kay PRO5 Regional Director PBGEN Andre Dizon, naging posible subuot an nasambit na mga operasyon dahil sa pagtatarabangan asin collaborative efforts kan Kasurog Cops.
