Bukas naman ang grupo ng mga guro sa naging order ni Pangulong Bongbong Marcos kay incoming Education Sec. Senator Sonny Angara, na ituro ang history sa mga learners.
Pero para kay Benjo Basas – chair ng Teachers’ Dignity Coalition, dapat ay mas maging malalim pa ang pag-aaral sa kasaysayan.
Sa isang panayam, sinabi ni Basas na hindi dapat malimutan ang ‘dark side’ ng ating history.
Ibig-sabihin, dapat lahat ng anggulo at panahon ng ating kasaysayan ay maituro sa mga kabataan – kabilang na rito ang martial law era.
Aniya, para tunay na maintindihan ng mga estudyante ang totoong pagka-Pilipino – dapat ay malaman din nila, hindi lamang ang mga positibo; kundi pati na rin ang mga negatibo sa ating kasaysayan.
