Nasasabik na raw na makabalik ng bansa ang mga Pilipinong tripulante na sakay ng inatakeng MV Transworld Navigator ng mga rebeldeng Houthi.
Ayon kay Migrant Workers Secretary Hans Leo Cacdac – mare-repatriate at lalapag na sa Pilipinas ang kanilang eroplano bukas ng hapon.
Ito ang unang batch, at masusundan pa sa mga susunod na araw.
Sa ngayon, tiniyak ni Cacdac na mayroong naka-ready na tulong ang DMW at iba pang ahensya ng Gobyerno.
Muli namang ipinaalala ng Kalihim ang standing directive ng DMW na ipinagbabawal ang deployment ng mga Filipino seafarers sa mga barkong inatake na ng Houthi.
