LEGAZPI CITY – Maabot sa 15,000 sundo 19,000 na mga turista an piglalaoman na maaarabutan asin mabirisita sa Albay Park and Wildlife sa bulan nin Hulyo huli ta term break na.
Sa intrevista kan Brigada News FM Legazpi kay Park Manager Dr. Franz Colambo, sinabi niya na average lang ini asin dai man ninda piglangkawan posibilidad huli ta bako naman summer break, kun sain an mga estudyanteng mabarakasyon, dai naman maray mapasiring digdi huli ta tag-uran na.
Mientrastanto, sinabi man ni Colambo, dawa rainy season, dai man nawawaran ki tawo asin parapasyar sa wildlife.
