Mahimo makabaton sang dugang nga P50,000 cash grant ang mga centenarrian ukon ang mga naka-abot sa 100-anyos nga mga senior citizen sang syudad sang Roxas, bangud sa ginduso nga ordinansa sa City Council nga paghatag sang cash gift, bilang dugang sa ginatan-ay sang Department of Social Welfare and Development.
Suno kay Hon. Jaime Cortes M. Altavas, pwede na maka-apply ang mga naga-edad 99-anyos pinaagi sa pagpresentar sang birth certificate gikan sa PSA, senior citizen ID, marriage certificate, war veteran ID, ukon pila ka mga government official records.
Dugang pa sini, kinahanglan nagapuyo ang benepesyaryo sang masobra 50 anyos sa syudad pinaagi man sa pagkuha sang official records gikan sa barangay.| Frances Joy Preciosa
