LEGAZPI CITY – Malaking tulong umano sa turismo ng Legazpi City ang pagdaong ng International Cruise Ship Heritage Adventurer na kilala bilang ‘Grande Dame of Expedition Cruising’ ayon sa City Tourism Office.
Sa panayam ng Brigada News FM Legazpi kay City Tourism Officer Christina Agapita Pacres, sinabi niya na ang mga foreign visitors o crew na bumiyahe by air ay mananatili rito ng ilang araw, kaya’t tiyak na magto-tour ang mga ito sa lungsod.
Samantala, tiniyak ni Pacres, walang dapat ikabahala pagdating sa security para sa mga bisita dahil may mga police personnel naman na naka-deploy sa mga lugar.
