Ibinahagi ni Senate Committee on Accounts, Chairperson, Senador Alan Cayetano na nabigyan na niya ng karagdagang instruksyon ang Department of Public Works and Highways (DPWH) hinggil sa itinatayong New Senate Building sa Taguig City.
Kung saan, isa umano sa instruksyon niya rito ang paggawa ng timeline para sa mas malinaw na project insights.
Anya, sa pamamagitan nito ay mabibigyan ng kanyang komite ang publiko at media ng timeline, inventory at table of contents tungkol dito.
Samantala, tiniyak ni Cayetano na ang lahat ng katanungan ay masasagot kasunod ng factual at independent review process na kanilang isinasagawa.
Maliban pa roon, ginarantisa naman niyang magkakaroon siya ng face-to-face briefing and question-and-answer para rito.
