LEGAZPI CITY – Nagkondusir an lokal na gobyerno kan Legazpi City nin Smoke-free Mural Painting Contest kun sain binida kan mga local artists an saindang obra sa paagi kan pagtaong kulay sa mga lanob kan saindang barangay.
Obheto kaining maipahiling an maraot na epekto sa salud kan pagsigarilyo asin maipahiling an importansya kan pagprotehir kan salud pati man an pagpromotir kan Healthy Legazpi.
Nganing manggana, kaipuhan mag-heart react sa pinaka-magayon na entries na posted sa LGU Legazpi FB page asin an pinakadakol na makakakua nin puso antes mag Hunyo 23, iyo an manggagana.
