Naniniwala si Defense Secretary Gibo Teodoro na maituturing na rin bilang isang ‘national security concern’ ang usapin ng POGO, lalo na ang mga ‘scam hubs’ sa bansa.
Sabi ni Teodoro – masiyado nang malawak ang epekto ng mga POGO sa Pilipinas.
Aniya, malinaw daw na pinahihina nito ang political, economic, at social aspects sa bansa.
Malaki rin umano ang nagiging epekto ng POGO sa ating peace and order.
Sabi pa ng Kalihim, mayroong mga sindikatong kriminal ang nagtatago sa mga POGO.
Idiniin ni Teodoro na dapat ay maitigil na ang mga ganitong uri ng aktibidad.
Wala rin aniya silang karapatan dito sa Pilipinas.
