Ginkalipay sang kapin 3,003 ka mga Barangay Health Workers (BHW’s), Barangay Nutrition Scholars (BNS’s), kag Barangay Service Point Officers (BSPO’s) sang segundo distrito matapos nabaton ang ila nga Special Risk Allowance sang Hunyo 6.
Nahibaluan nga nakabaton sang kapin P2,000 ang ginhatag sa mga BHWs, kag P1,500 naman para sa BNSs kag BSPOs kag ginhiwat naman ang distribusyon sa Dumalag Civic Center, Sigma Civic Center kag sa RCB Gymnasium sa Sapian.
Ang nasambitan nga proyekto sang gobyerno probinsyal ang kabahin sang paghatag sang seguridad sa mga frontliners sa tion sang pandemya kag krisis kag pagpasanyog sang serbisyo para sa ikaayong lawas sa probinsya.| Frances Joy Preciosa
