Tuloy-tuloy nga ang pag-arangkada ng P-pop girl group na BINI.
Matapos magkaroon ng 6 million monthly listeners sa Spotify, inanunsyo ng grupo na nakaabot na rin sila sa 1 milyong followers sa Facebook, at 1 milyong subscribers naman sa YouTube.
Bukod pa ito sa 1 milyong followers nila sa Instagram.
Mababatid na pinaghahandaan ngayon ng BINI ang three-day concert nila na “BINIverse.”
Gaganapin ito sa New Frontier Theater sa June 28 hanggang 30, 2024.
Bago ito, gaganapin muna ang “National BINI Day” sa June 11.
