Kinumpirma ng grupong MANIBELA na magkakasa sila ng panibagong round ng tigil-pasada sa susunod na linggo.
Ayon kay MANIBELA president Mar Valbuena – isasagawa nila ito mula June 10, Lunes ng susunod na linggo; hanggang June 12, Independence Day.
Aniya, ito ay bilang protesta nila sa panghuhuli sa mga unconsolidated jeepneys.
Sabi ni Valbuena, mayroon daw kasing naipangako sa kanilang wala munang hulihan at mabibigyan pa sila ng pagkakataon para makapagparehistro.
Maaalalang inumpisahan na kasi ang panghuhuli sa mga units ng PUVs na ‘di nagpa-consolidate matapos mapaso ang deadline noong April 30.
