Ganap nang batas ang ‘Kabalikat sa Pagtuturo Act’ matapos itong lagdaan ni Pangulong Bongbong Marcos ngayong hapon.
Sinaksihan ng mga senador at kongresista ang paglagda sa naturang batas.
Sa ilalim ng Kabalikat sa Pagtuturo Act, makatatanggap ng 5 thousand pesos na teaching allowance ang lahat ng public school teacher ngayong school year 2024-2025.
Habang magiging sampung libong piso ito pagsapit ng school year 2025-2026 at sa mga susunod pang school year
Layon nitong masuportahan ang gastos ng mga guro sa mga teaching supplies na kadalasang kinukuha nila sa sarili nilang bulsa.
Magiging epektibo ang batas, 15 araw pagkatapos nitong mailathala sa official gazette o sa pahayagan na may general publication.
