Aminado si Pangulong Bongbong Marcos na hindi tumitigil ang Pilipinas sa paghahanap ng paraan upang matigil na ang aggressive action ng China sa West Philippine Sea at magkaroon ng ganap na kapayapaan sa lugar.
Sa media interview sa Brunei, sinabi ng Pangulo na dapat masubukan ang lahat ng paraan, at kahit anong point of contact anya ay gagamitin ng Pangulo basta’t makapagbigay ito ng progreso at mapahinto ang mga agresibong aksyon ng China tulad ng pag gamit ng water cannon, laser, panghaharang at marami pang iba.
At makapangisda ng malaya ang mga Pilipinong mangingisda sa karagatang sakop ng Pilipinas na walang pinangangambahang harassment.
Sakali mang mangyari ito, sinabi ni Pangulong Marcos na isusunod nila ang hakbang kung papaano malulutas ang claims ng bawat bansa.
