Culasi Antique-Bangud sa kahurubgon, aksidente nga natiruhan kang sangka lalaki ang anang kaugalingon sa Brgy. San Pascual, Culasi sa takna nga las-2:00 sa aga, Mayo 29.
Ginkilala ang lalaki kay Rex Jocson, 26-anyos, kasado,laborer kag tumandok kang Brgy. Sicgang, La Castellana, Negros Occidental apang presente nga nagaistar sa Brgy. San Pascual, Culasi.
Sandig sa imbestigasyon kang kapulisan, samtang nagapanaw pauli ang biktima matapos nga magtagay-tagay aksidente kadya nga natiruhan ang kaugalingon kag naigo dya sa nawala nga bahin kang anang batiis. Gilayon dya nga gindara sa balay burolngan kag padayon pa ang imbestigasyon kang otoridad sa pagrekober kang nasambitan nga armas.
