LEGAZPI CITY – Nanumpa na si dating Albay Provincial Administrator Atty. Sheina Onrubia-Dela Cruz komo Board Member kan primer distrito kan probinsiya asin pormal nang tuminukaw sa Session Regular kan Junta Probinsya kasuudma.
Si Onrubia an nagpano kan bakanteng puwesto kan board members makalihis na umangat sa posisyon kan pagkakagobernador si dating bise gobernador Atty. Edcel Grex Lagman, asin an dating board member na ngunyan bise gobernador kan probinsya na si Glenda On Bongao katakod kan pagdiskwalipika kan COMELEC kay dating gobernador Noel Rosal.
Sa pagtukaw ni Onrubia, igwa tulos ining kinaputan na komitiba kaibahan an Committee on Laws, Rules and Oversight asin Committee on Labor and Cooperative.
