GIPASALIG sa labaw sa General Santos City Police office nga si PCol. Nicomedes Olaivar Jr. nga padayon sila nga magmonitor sa palibot ug magbantay sa mga tawo aron malikay sa bisan unsang kadaotan.
Matud sa opisyal, walay angayang kabalak-an tungod anaa ang kapulisan kanunay nagahimo sa ilahang trabaho mao ang pagmintina sa kalinaw ug kahapsay sa dakbayan.
Bisan matud pa sunod-sunod ang insidente sa pagpamusil apan sumala ni Olaivar dili kini angayang kabalak-an tungod ang maong mga biktima nalambigit sa mga iligal nga buluhaton.
Nanawagan ang kapulisan sa publiko nga padayon lang sa paghatag og impormasyon sa otoridad aron dali masulbad ang mga krimen. I Enamie Mogpon
