LEGAZPI CITY – Naninindigan si Albay 3rd District Cong. Fernando ‘Didi’ Cabredo na hindi siya pumapabor sa isinusulong na Divorce Bill sa Pilipinas.
Ayon sa kongresista, bilang isang Katoliko, ang pagpapakasal sa simbahan ng dalawang taong nagmamahalan ay naniniwalang ito ay isang sagradong sakramento.
Sakali man na maging pinal at maisabatas ang Divorce, mawawala na ang pagpapatawad sa isa’t isa at madali na lamang gawin ang pakikipaghiwalay.
Aniya, sa halip na Divorce Bill, pag-aralang mabuti at palawakin ang Family Code upang makatulong sa mga mag-asawa.
