Nakabalhag sang may kabug-usan nga P22,704,641.50 nga kaperdihan sa fisheries sector nga nagapanginhas sa brackish kag freshwater nga sakop sang Capiz.
Sa datos sang Bureau of Fisheries and Aquatic Resources 6, problemado sa karon ang lapit 1,700 ka mga mangingisda bangud sa nagapadayon nga kahalitan sang El Niño sa mga munisipalidad sang Cuartero, Jamindan, Maayon, Panay, Panitan, Pilar, Pontevedra, Pres. Roxas, Sapian, kag Sigma.
Samtang, ginaduso na karon sa Sangguniang Panlalawigan nga ipadalum ang probinsya sa state of calamity.| Frances Joy Preciosa
