Nagpahayag ng pakikiramay ang Land Transportation Office (LTO) sa mga kaanak at naiwang pamilya ng isa nitong tauhan matapos itong barilin sa Quezon City kahapon.
Sa isang pahayag, kinondena ng LTO ang ginawang pamamaril kay Mercedita Gutierrez – na noo’y chief ng Registration Section ng LTO Central Office.
Ayon sa ahensya, tinitiyak nila sa pamilya ng biktima ang kanilang walang-kapagurang pakikipagtulungan sa Philippine National Police para sa kaso.
Babantayan din umano nito ang imbestigasyon sa insidente para mapapanagot ang lahat ng salarin sa pagpatay.
