Sikop sa mga sakop sa Davao City Police Office (DCPO) ang tulo ka drug suspek atol sa tulo ka managlahing anti-illegal drug operations sulod sa 24 oras gikan Mayo 24 hangtod Mayo 25 ning kasamtangang tuig.
Nunot kini sa padayong paningkamot sa kapulisan sa kampanya batok iligal nga droga sa dakbayan sa Davao, ilawum sa pagdumala ni DCPO City Director, Pcol Rolando M. Suguilon.
Malampuson matod pa nga nasikop ang mga suspek human nakuha kanila ang nagkadaiyang gidak-on nga pakete sa gituohang shabu nga mubalor sa kinatibuk-ang Php41,140.00.
Nakuha sa mga sakop sa Toril Police Station ang kinatibuk-ang kantidad sa gidudahang shabu nga Php38,080.00 Samtang Php3,060.00 nakuha sa mga sakop sa Bajada Police Station.
Balhog na karon sa prisohan ang nahisgutang mga dinakpan ug gi-andam na ang pagpasaka og tukmang kaso batok kanila.
Samtang, gipasalig sa DCPO nga dili sila mohunong sa pagsumpo sa iligal nga droga sa dakbayan sa Davao pinaagi sa tabang sa komunidad sa pakigtambayayong sa lokal nga panggamhanan ug Brgy officials.
