Sebaste, Antique – Pilasun nga gindara sa Sebaste Community Hospital ang driver kag pasahero kang pribado nga sarakyan matapos ka dya aksidente nga mabungguan ang likod kang Ceres Bus sa Barangay Callan, Sebaste, Antique, las-3:58 sa hapon, Mayo 24.
Suno sa impormasyon, samtang nagabyahe halin Kalibo paadto sa San Jose ang Ceres bus nga ginamaneho ni Rocelo Rapista, 47 anyos, kag residente kang Brgy. Tanza Baybay, Iloilo City, dya ang hinali lang nagpondo agud magbuol kang pasahero rason nga aksidente nagbunggo sa likod ka dya ang sarakyan nga ginamaneho ni Rammy Capillo, 42 anyos kag pasahero nga menor-de-edad, lunsay mga residente kang Brgy. Sinapsapan, Jordan, Guimaras.
wara naman kang may nasamadan nga pasahero sa bus apang naka-angkun dya kang wara pa ma man-an nga pagkaguba samtang ang pribado nga sarakyan naman ang wasdak gid kag rugyan kadya sa Barangay Hall kang nasambit nga lugar.
