LEGAZPI CITY – Apektado an nasa 30 empleyado sa Daraga, Albay huli sa pitong delingkwenteng employers na dae pighuhulugan nin tultol an saindang kontribusyon sa Social Sercurity System (SSS) Legazpi.
Segun ini kay SSS Legazpi Acting CEO II AMS Maria Betina Abareta sa tahaw kan Relief Afforded to Challenged Employers (RACE) program komo pagsita asin pagpagirumdom, kun sain target na makolektar hale sa mga employer na ini an nasa P110,000 na dapat kontribusyon kan saindang mga empleyado.
Mientrastanto, nagigin kawsa man kan problema minsan pag-abot sa siring na sitwasyon an mga bookeeper na iyo pigtatawan kan kwarta, alagad dai man pigdidiretso o pigbabayad sa SSS.
Sa ngunyan, target kan ahensya na makapagkondusir nin 12 RACE program ngunyan na taon para sa ikamamarhay kan mga empleyado sa probinsya.
