LEGAZPI CITY – Maabot sa anom na alumni kan Bicol University an nag-topnotch sa March 2024 Licensure Examination for Professional Teachers (Secondary Level).
Basado ini sa datos kan Professional Regulations Commission (PRC), kun sain kaibahan sa mga topnotcher sinda Angelica Llona Basoro kan BU Daraga na nasa Top 4 asin nakakua nin 92% rating; May Joy Reyes kan BU Tabaco na nasa Top 8 asin nakakua nin 91.20%; James Martillana Desppabeladera asin Ma. Trixie Mae Barrun Dometita kan BU Daraga, na parehas may 91% na rating mantang Top 10 naman sa rating na 90.80% sinda Jovelyn Bernas Borganio kan BU Tabaco asin Venus Mesa Erandio kan BU Gubat.
Mientrastanto, hale sa kabilugang 797 na takers kan exam para sa secondary level sa BU, nasa 662 an puminasar.
