MISAKA na sa P689 milyon ang nadamyos sa agrikultura tungod sa nasinatiang El Niño, base sa datus sa Department of Agriculture.
Sa datus sa DA -12 mokabat sa 11,509 mag-uuma ang apektado sagad kanila ang nagtanum og humay, mais, high value crops.
Lakip sa listahan ang nalugi sa livestock ug poultry sa tibuok Soccsksargen region, butyag ni Edgar Pasaol, information officer III sa DA-12.
Una nang, nanghatag sumala pa ang DA sa mga mag-uuma og ayuda ilawom sa Rice Farmers Financial Assistance program gawas pa sa agri-inputs, fertilizers, planting materials, pumps ug engines.
Samtang, una nang nagdeklara og state of calamity nakalabay’ng bulan ang probinsiya sa Sultan Kudarat ug South Cotabato, Alabel sa Sarangani ug pipila ka munisipalidad sa Cotabato province. I Richel Gubalani
