LEGAZPI CITY – Nakatalaang ikondusir ngunyan na aldaw an libreng bakunahan kontra rabies para sa mga atamang ikos asin ayam sa Brgy. Bagumbayan, Daraga, Albay.
Ini an sa pangengenot kan Municipal Agricultural Services Office, kun sain an mga rekisitos nganing ma-avail ini, iyo an dapat 3 bulan pataas an edad kan mga ataman, warang helang mantang dapat sarong taon na makalihis ini mabakunahan.
Nakatalaan man isagibo an siring na aktibidad sa Mayo 24 sa parte naman kan Brgy. Sipi.
Katakod kaini, pig-enganyar kan opisina an mga pet owners na aprubetsaran an serbisyong ini para sa proteksyon kan lambang saro.
