Sugatan ang dalawang indibidwal matapos bumagsak ang isang trainer plane malapit sa San Fernando Airport sa La Union.
Ayon sa Civil Aviation Authority of the Philippines (CAAP),
tumawag sa San Fernando Tower ang Cessna 172 aircraft at nagdeklara ng emergency ilang sandali matapos mag-take-off pasado alas otso ng umaga.
Agad namang rumesponde ang ahensya at Philippine Coast Guard kung saan narescue ang isang pasahero at piloto nito.
Dinala na ang dalawang biktima sa ospital na nagtamo ng minor injuries.
Iniimbestigahan na ng mga awtoridad ang nangyaring insidente.
