Nagkalalis maoy sinugdanan sa wala pa mahitabo ang pagpamusil sa e-bike driver kinsa ang responsable nga miunay og pusil kani ang iyang amigo nga maoy ikasinabot kaniadto sa pagpamalit og shabu.
Gi alarma sa kapulisan ang pagpamusil sa Sitio Avocado sa Barangay Mambaling sa Siyudad sa Sugbo alas 2:00 ang takna Lunes sa hapon, Mayo 20,2024.
Ang gipusil giila nga usa ka Chester Gian usa ka e-bike driver , 33 anyos taga Sityo Avocado sa Barangay Mambaling sa nahisgutang syudad daling gidala sa tambalanan nga samaran sa pagpamusil. Gitumbok nga responsable sa pagpamusil og misibat human sa hitabo ang usa ka Ramil Ortega, kinsa naila nga barkada kaniadto sa biktima.
Ang saksi miingon nga nagharong pa ang suspek ug biktima apan igo ra niya nga gitan-aw kay sa nagtoo lang siya nga magsumbagay lang ug wa damha human sa ilang panaglalis kalit lang namusil si Ortega kang Gian.
Nasayran nga grabeng kasuko si Ortega kang Gian kay nagtoo nga nagbugal bugal lang, dihang mibalibad nga manuyop og shabu kay lage miundang na.
Kaniadto igo lang sugoon ang suspek sa biktima kon mamalit og shabu apan laing amigo ang pasuyopon og dili siya ka enter, nagduda ang kaila sa mag barkada nga posibling panimawos ang gihimo sa suspek kay nagtinir og pagdumot kay wala pasuyopa.
Si PMaj. John Lynbert Yango sa Mambaling Police Station-11, niiningon nga personal grudge ang ilang tutokan karon kabahin na sa ilegal nga drugas.
Gihimo dayon ang hot pursuit opeartion sa Mambaling Police aron madakpan ang suspek atol ning paghikay sa balita gipangita gihapon sa kapulisan ang suspek. | Alan Tangcawan
