Kinumpirma ni Partido Federal ng Pilipinas (PFP) President Gov. Reynaldo Tamayo Jr. na marami pa silang isinasaayos na alyansa kasama ang ibang political parties.
Ito ay makaraang magsanib-pwersa ang Partido Federal ng PFP ni Pangulong Bongbong Marcos at ang Nationalist People’s Coalition.
Sa panayam ng Brigada News FM kay Tamayo, sinabi nitong hanggang ngayon ay nagpupulong pa ang ilang political leaders hinggil sa mga alignment ng kanilang pagkakaisahan.
Sinabi rin ng opisyal na bukas sila sa partido ni VP Sara Duterte na HNP.
Aniya, napakalinaw ng direktiba ni Pangulong Bongbong Marcos na suportahan ang bise presidente.
