Mas lalong hihigpitan ng Department of Foreign Affairs (DFA) ang pagbibigay ng visa sa mga Chinese Nationals simula ngayong linggo.
Ayon kay DFA Undersecretary Gary Domingo, ito’y kasunod ng pagdami ng mga Tsino na pinepeke ang kanilang mga dokumento, kabilang na ang mga pasaporte.
Upang maresolba ang isyu na ito, kinakailangan na magsumite ng mga Chinese nationals ng social insurance certificate, proof for financial capacity, employement certificate, at bank statementts.
Bagama’t ginawa ito habang may nagaganap na hidwaan ang Pilipinas at China sa West Philippine Sea, pinanindigan ni Domingo na ang pagbabago sa patakaran ng gobyerno ay hindii nauugnay sa national security.
