Naniniwala si Senator Raffy Tulfo na panahon na para ipakita at i-‘advertise’ sa publiko ang mga lotto winners.
Sa isang panayam – sinabi ni Tulfo na kung transparency ang pag-uusapan – dapat ipakita ang mukha ng mga nanalo.
Ito aniya ay upang maipaalam sa mga tao na totoo ang mga nananalo at hindi gawa-gawa lamang.
Giit ng mambabatas, i-advertise na ang mga lotto winners para maalis na rin ang duda ng mga mamamayan.
Mariing sinabi nito na hanggat hindi ito nagagawa, hindi niya masisisi na naroroon pa rin ang pagdududa ng taumbayan.
