Nagpapabilin nga positibo ha Paralytic Shellfish Poison an Seawater samples nga ginkolekta ha SAN PEDRO BAY (Basey, Samar) ngan MATARINAO BAY ha Eastern Samar (General MacArthur, Quinapondan, Hernani, ngan Salcedo), ini in basar ha gindumara nga laboratory examination han BFAR 8 Regional Fisheries Laboratory ha siyudad.
Mahugot naman nga ginpapahinumdom ha publiko nga deri la anay kumuha, kumaon ngan magbaligya hin bisan ano nga klase hin SHELLFISH ngan Acetes o “alamang” tikang ha nasabi nga mga baybayon.
Talwas naman kaunon an isda, pusit, pasayan ngan masag pero dapat hugasan an mga ini hin maupay.
Padayon naman an monitoring han BFAR ngan LGU ha mao nga area agud magin talwas an publiko ngan maprotihiran an shellfish industry.
