Itinalaga ni Pangulong Ferdinand “Bongbong” Marcos Jr. si Department of Migrant Workers (DMW) Undersecretary Hans Leo Cacdac na pamunuan ang departamento.
Kung maaalala, itinalaga ni Marcos si Cacdac bilang officer-in-charge ng DMW matapos ang pagpanaw ni dating kalihim Susan “Toots” Ople noong Agosto ng nakaraang taon.
Bago ang kanyang ad interim appointment sa Gabinete, nagsilbi si Cacdac sa gobyerno sa iba’t ibang ahensya.
Kabilang na rito ang pagiging Undersecretary ng DMW; Executive Director V ng Overseas Workers Welfare Administration (OWWA); Executive Director V ng Philippine Employment Administration (POEA); at Undersecretary ng Department of Labor and Employment (DOLE).
