Masadya si Reverend Father Josue Escalona Jr., it Saint Isidore Parish Church sa banwa it Lezo, bangud magabisita sa nasambit nga banwa ro Mahal na Poong Hesus Nazareno o Black Nazarene.
Suno kay Padre Josue, ro Black Nazarene hay sambilog sa may maabung deboto sa Pilipinas bangud sa maabu eon rayang napamatud-an nga milagro sa kabuhi it mga tawo.
Ginpahayag man ni Padre Josue nga kinhangean nga pabaskugon naton ro debosyon, para bisan ano ro matabo hay may aton nga pagakapyutan.
Nasayuran nga raya ro unang kahigayunan nga mabisita ro Lezo it imahe it Poong Nazareno.
Ginaeauman eonman ni Fr. Josue ro maabung tawo bangud may igapatigayun nga Misa sa Abril 21 ag vigil sa Black Nazarene. // ANN DESLENE SALAZAR
