Bineberipika pa ng Department of Foreign Affairs (DFA) ang ulat hinggil sa pagkakasawi ng 2 Pilipino sa malawakang pagbaha sa Dubai matapos makuryente sa tubig.
Ayon kay DFA Undersecretary Eduardo de Vega, umaasa silang hindi totoo ang balita na kanilang natanggap.
Sakaling tunay man daw ito, ire-repatriate nila ang mga labi ng Pinoy.
Samantala, nasa maayos na kalagayan ang ibang Pilipino sa lugar, at pinayuhan na sila ng Consulate na sumunod sa mga ipatutupad na alituntunin ng lokal na pamahalaan.
