Gin-rekomenda ku Sangguniang Bayan it Kalibo sa mga Kabaranggayan nga taw-an it prayoridad nga mapa-ubrahan it karsada nga maga-konekta sa Tourist Attractions ro mga kabaranggayan makaron.
Suno kay SB Member Ronald Marte, sa ginhiwat nga evaluation ag pag-inspeksyon sa mga Kabaranggayan it Committee on Tourism sa mga kabaryohan it banwa, nakit-an nga bukon pa it konektado sa karsada o kun Road Network ro mga lugar nga may potensyal nga ma-adtunan it mga turista.
Suno kay Marte, importante raya sa mga Kabaranggayan agud ma-kumbinse ro mga turista nga umadto sa Tourist Attractions.
Gindugang pa gid ni Kalibo Vice Mayor Cynthia Dela Cruz nga dugangan man ro Directional Signages. // ANN DESLENE SALAZAR
