LEGAZPI CITY – Kinumpimar kan Punong Barangay kan Salvacion, Daraga, Albay na sarong Person Who Used Drugs (PWUD) o drug surrenderee an suspek sa panunulo nin barangay hall sa nasambit na lugar.
Sa intrevista kan Brigada News FM Legazpi kay Kapitan Justo Lumaban, sinabi kaini na antes ini, pigpaparabarabad kaini an barangay hall na nagkawsa kan pagkaraot kan mga bintana asin iba pang mga kagamitan asin napag-araman na dati naman kaining binalo na magsulo ki mga harong.
Padagos pa an imbestigasyon mapadapit digdi asin nasa kustodiya ini kan mga otoridad para sa maninigong disposisyon.
