BRUTAL ang pagpatay sa 7-anyos nga batang babaye nga si Princess Arian sa kamot sa mihimo sa krimen.
Kini ang gibutyag ni Dr. Ricardo Rodaje, medico legal sa National Bureau of Investigation (NBI-SARDO) base sa resulta sa gihimong autopsy.
Matud ni Rodaje, nangatagal ang ngipon, na-dislocate ang liog, nakaangkon og bun-og sa nagkadaiyang bahin sa lugar.
Gihiwa pa ang parte sa pribadong lawas sa bata nga gisudlan og ‘object’, luyo niini nagtuo si Rodaje nga usa lang katao ang mihimo sa krimen. Dako ang posibilidad nga nalugos ang nasangpit tungod sa nakitang nakita sa vagina sa maong bata.
Samtang naluya si Gina Romero, lola ni Princess Arian dihang nasayran ang mangilngig nga nasinatian sa apo sa kamot sa mipatay kaniya. Sugdan na usab sa kapulisan ug NBI-SARDO ang pagpahigayon og parallel investigation aron maresolba ang mangilngig nga krimen. I Richel Gubalani
