ILOILO – Nagnaba ro krimen sa Iloilo halin kat ipaidaeum raya sa modified enhanced community quarantine (MECQ), suno kay Police Colonel Gilbert Gorero, director it Iloilo Police Provincial Office (IPPO).
Sa katung-anan it June 1 to 15, nakalista ro IPPO it 105 crimes; 46.43 percent nga manaba kumpara sa 196 nga nairekord ku nagtaliwan nga dag-on.
Ginhayag man ni Gorero nga ro “focus crimes” hay nagnaba man it masobra 72.92 percent.
Ro focus crimes hay gina-eakipan it murder, homicide, physical injury, rape, robbery, theft ag motor-napping.
Nagnaba man segun ro mga aksidente sa mga karsadahon.
Ginaturo nga rasun it pagnaba it krimen ag disgrasya hay bangud sa ginpabaskug nga presensya it kapulisan, quarantine control points ag pagpatuman it liquor ban. / ANN DESLENE SALAZAR
