Winelcome ni Senate President Migz Zubiri ang naging pahayag ni Commission on Elections (COMELEC), Chairman, George Erwin Garcia na posible namang mapagsabay ang plebisito ng pag-amyenda sa konstitusyon at midterm election sa 2025.
Ito ay alinsunod sa hiling ni Pangulong Bongbong Marcos na pagsabayin na ito upang makatipid ang bansa.
Ayon kay Zubiri, sa tulong ng P13 bilyon na maaring matipid dito ayon sa COMELEC ay magagamit pa ito sa iba pang gastos tulad ng imprastruktura at programang makatutulong sa buhay ng mga tao.
Dagdag pa niya, importante lang magamit ng gobyerno ng maayos ang bawat kusing ng pera ng taumbayan sa tamang paraan.
