Nagaka-agnas na sang nasapwan ang bangkay sang lalaki malapit sa fishpond sa Brgy. Marita, Pres. Roxas, Capiz.
Ginkilala ang biktima kay Eduardo Bermejo, 39-anyos kag residente man sang nasambit nga lugar.
Sandig sa impormasyon nagikan sa Pres. Roxas Municipal Police Station, may isa ka concerned citizen nga nagpanawag sa ila istasyon agud i-report nga may yara sang bangkay nga nasapwan malapit sa fishpond.
Positibo naman nga ginkilala ang biktima sang iya amay pinaagi sa suksok sini nga panapton kag panglawason.
Nahibaluan nga ulihi nakit-an nga buhi ang biktima sang Pebrero 13 apang sang tinalikdan nga Sabado, Pebrero 17 nasapwan nalang ini nga patay na. Sa karon, padayon ang imbestigasyon sang Scene of Crime Officers agud matumod ang gintunaan sang kamatayon sang biktima. | Judy Ann Juare
