LEGAZPI CITY – Mas mahigot na ipapautob kan gobyerno-probinsyal kan Albay sa pangengenot kan Green Guardians an mas pinahiwas na mga lakdang nganing mapugulan an operasyon kan iligal na pag-quarry sa probinsya.
Segun kay Governor Atty. Edcel “Grex” Lagman, kaipuhan maipautob an mas pinahiwas asin ‘enhanced operations’ kan Green Guardians siring kan paglatag nin mas dakol na surveillance, regular na pag-inspeksyon, orog na an proactive community engagement.
Seryoso su boot an saiyang opisina sa pag-implementar kan environmental laws orog na sa pagpautob kan mga ordinansa, kun sain enot nang nadiskubre na dakol an wala-toong illegal quarrying activities sa probinsya.
Kumpiyansa man an gobernador na maisasalbar kan gobyerno an mga lugar na apektado kan posibleng huma na dara kan nasambit na ilegal na aktibidad sa paagi kan pagpapautob kan mahigot na implementasyon kontra sa iligal na operasyon kan quarry.
