Nabigyan ng parole ang kontrobersyal na bilyunaryo ng Thailand na si dating Prime Minister Thaksin Shinawatra matapos magsilbi ng anim na buwang pagkakakulong.
Kinumpirma ito ni Prime Minister Srettha Thavisin na sinabing naaayon ang kanyang pagkalaya sa mga regulasyon ng departamento.
Depensa pa nito, nagsilbi ring punong ministro si Thaksin ng maraming taon at gumawa ng maraming magagandang bagay para sa bansa sa mahabang panahon.
Sa kabila ng pagkakaloob ng parole, maaari pa rin siyang makulong, habang kinokonsidera ng mga tagausig na singilin siya para sa pag-insulto sa monarkiya noong 2015.
