Boluntaryo nga nagsungka ang isa ka tricycle driver nga nagapangatubang sang kaso nga Child Abuse kag Frustrated Homicide sa Roxas Component City Police Station sa Pueblo de Panay, Brgy. Lawaan, Roxas City.
Ginkilala ang akusado kay alyas Gerardo, 41-anyos kag residente sang Brgy. II sining syudad.
Ang warrant of arrest ang gin-isyu kag ginpermahan ni Judge Eric Anthony Dumpilo, RTC, 6th Judicial Region, Branch 14, Roxas City napetsahan Pebrero 8, 2024.
Ginrekomendar sang korte ang piyansa nga P10,000 para sa temporaryo nga kahilwayan sang akusado.
Sa karon, nagapabilin ini sa kustodiya sang Roxas City PNP para sa nagakaigo nga disposisyon. | Judy Ann Juare
