LEGAZPI CITY – Ikinabigla kan Public Safety Office (PSO) Daraga an pag-operar kan mga deputized public traffic safety officers na hale sa gobyerno-probinsyal kan Albay.
Ini an sinabi nin PSO Daraga Public Information Officer Lorenzo, kun sain tinawan-duon kaini na wara man nin kasuratan o dai man sinda naimpormaran na maoperar an mga ini sa saindang banwaan.
Dapat kaya nag-courtesy call an mga ini sa saindang opisina o sa mismong Mayor’s office antes magpuon sa pag-checkpoint.
Sa ngunyan, naggibo nang report sa operasyon kan deputized enforcer an PSO nganing maipasa sa munisipyo.
